BlogueGAAP

Grupo Alea de Análise Poética

  • Contacto

    Grupo Alea de Análise Poética / Caixa de correo 066 / Faculdade de Filoloxía / USC Campus Norte / 15782 Santiago de Compostela

    gaapsdc@gmail.com

  • Membros do Grupo

    Iria Sobrino - María Xesús Nogueira - Montserrat Pena - Isaac Lourido - Margarita García Candeira - Arturo Casas (coord.)
  • Meta

Archive for the ‘comparatismo’ Category

Inquérito sobre poesía e resistencia no web de LyraCompoetics

Posted by gaapdec o Xuño 19, 2012

O sitio web da rede de investigación LyraCompoetics vén de dar a coñecer os resultados dun inquérito sobre poesía e resistencia realizado a a máis de corenta poetas das literaturas brasileira e portuguesa. As cuestións formuladas aos participantes son as seguintes: A poesía é unha forma de resistencia? Sempre, por definición? Ou só en determinados contextos -sociais, políticos, culturais? Como pode resistir a poesía e a que?

A variedade e o contraste das respostas ofrecidas, orientadas algunhas para os ámbitos teórico e crítico, mais localizadas outras na vertente creativa, dan conta da vixencia e oportunidade dun debate que continúa a ser central para o estudo dos vínculos entre poesía e acción social.

LyraCompoetics preséntase así no seu web:

LyraCompoetics é uma rede de pesquisa internacional que se inscreve no domínio da Poesia e das Poéticas Comparadas. Desenvolvendo linhas de investigação comuns, pretende contribuir para a revitalização e a dinamização dos estudos de poesia moderna e contemporânea, a partir de bases teóricas e críticas renovadas.

Coordenada por Paulo de Medeiros (Universidade de Utrecht) e Rosa Maria Martelo (Universidade do Porto), LyraCompoetics congrega investigadores das seguintes universidades: Brown University (U.S.A.), Universidade Federal Fluminense (Brasil), Universidade de Paris III – Sorbonne Nouvelle (França); Universidade de Salamanca (Espanha); Universidade de Florença (Itália); Universidade de Utrecht (Holanda) e Universidade do Porto (Portugal).

Para acceder aos resultados do inquérito podes clicar AQUÍ.

Advertisements

Posted in comparatismo, iniciativas, investigación, poesía brasileira, poesía portuguesa, redes, resistencia | Etiquetado: | Leave a Comment »

Próxima publicación: Non-Lyric Discourses in Contemporary Poetry

Posted by gaapdec o Maio 8, 2012

Difundimos información sobre a próxima aparición do volume Non-Lyric Discourses in Contemporary Poetry, coordinado por Burghard Baltrusch e Isaac Lourido, e publicado polo selo alemán Martin Meidenbauer.

A iniciativa editorial está vinculada co desenvolvemento do proxecto de investigación DINOLIPOE (O discurso non-lírico na poesía contemporánea: espazos, suxeitos, hibridación enunciativa, medialidade, financiado polo goberno de España desde o ano 2010) e, aínda máis concretamente, coas xornadas de traballo e debate representadas no I Congreso Internacional sobre Discursos Non Líricos celebrado en Vigo en abril de 2011.

A publicación recolle un total de dezaoito artigos, elaborados por investigadoras e investigadores de diferentes universidades europeas e americanas, e articulados a partir das liñas de pesquisa ensaiadas no mencionado proxecto. Así se nos presenta o libro:

O concepto do “non-lírico” chama a atención sobre a inestabilidade funcional da poesía como xénero e do lírico como categoría discursiva na actualidade. Este volume reflexiona sobre novas prácticas discursivas e culturais na poesía contemporánea como a constitución de novos suxeitos e novas subxectividades, a función do poético no espazo público, as hibridacións enunciativas ou a incorporación da intermedialidade. A posta en causa da convencional identificación entre o poético e o lírico, así como a análise dos elementos definitorios do non-lírico, constitúen os principais fíos condutores.
A discusión sobre aspectos teóricos e metodolóxicos combínase con estudos de caso de ámbitos poéticos e culturais diversos: austríaco, brasileiro, español, galego, hispanoamericamo, polaco, portugués, as tradicións orais, a poesía experimental e interartística, entre outros.

Toda a información sobre a publicación pode ser consultada no sitio web do proxecto DINOLIPOE.

* A imaxe que encabeza o post é obra de Gabriel Pérez Durán e formará parte da capa do libro.

Posted in comparatismo, escritura e plástica, espazo público, experimental, hipertextualidade, iniciativas, investigación, media poetry, performance, poesía non-lírica, proxectos específicos, publicacións, redes, suxeitos poéticos, Uncategorized, xénero | Leave a Comment »

Encontro sobre oralidades

Posted by gaapdec o Novembro 3, 2010

Durante os días 20, 21 e 22 do pasado mes de outubro celebrouse na Facultade de Humanidades de Lugo o curso A literatura oral na actualidade. Galicia e Hispanoamérica, dirixido polas profesoras Ana Chouciño Fernández e María Xesús Nogueira Pereira. Co obxectivo de estudar as manifestacións da literatura oral como un fenómeno vivo e diverso, o programa contou con expertos de distintos ámbitos –desde o académico ao do espectáculo– que combinaron sesións teóricas e expositivas con talleres.

O curso inaugurouse cunha conferencia na que Arturo Casas disertou acerca dos marcos teóricos nos que pode abordarse hoxe en día o estudo da literatura oral. Ás posibilidades da literatura oral en Internet dedicou unha boa parte da súa intervención Antonio Reigosa, impulsor de numerosos proxectos entre os que figura a enciclopedia virtual Galicia Encantada, quen presentou un exhaustivo catálogo de portais, páxinas web e outros recursos. Orixinal en canto ao enfoque resultou a conferencia impartida por Anxo Fernández Ocampo (Universidade de Vigo), que se centrou na escritura fotográfica e analizou, a partir do corpus formado polo material de Miro de Xanuco, unha reflexión acerca da evolución da fotografía e as súas funcións.

A perspectiva histórica en Hispanoamérica desde a óptica da colonización e o conseguinte enfrontamento entre as formas orais e a crónica foron tratadas por Eduardo Becerra (Universidad Autónoma de Madrid). Pola súa banda, Rogelio Rodríguez Coronel (Universidad de La Habana) achegouse á literatura yoruba cubana, ilustrando coa proxección dun documental elementos centrais da mitoloxía orisha, mentres que Margarita Vásques (Universidad de Panamá) tratou as manifestacións literarias da poboación kuna.

A orientación práctica do curso quedou patente nos talleres impartidos pola profesor Ana Acuña (Universidade de Vigo) e polo contacontos Celso Fernández Sanmartín. Mentres que a primeira traballou no ensino de técnicas para a fixación de materiais, con especial atencion a fórmulas poéticas como o romance ou a oracion, o segundo explorou diferentes posibilidades de narración oral baseándose, en boa medida, na experiencia adquirida na súa etapa como animador sociocultural nunha residencia de anciáns de Lalín.

O curso tiña previsto rematar cun recital do repentista cubano Alexis Díaz Pimenta, que tivo que ser suspendido por motivos de última hora relacionados co seu desprazamento.

 

Posted in comparatismo, diferenza cultural, oralidade, proxectos específicos | Leave a Comment »

Poesía experimental catalá

Posted by gaapdec o Outubro 28, 2010

O grupo de investigación LiCETC da Universidade das Illas Baleares, co que o GAAP mantén proveitosas relacións de colaboración, estrea nova web, vinculada neste caso ao proxecto de investigación La poesia experimental catalana del període 1970-1990: discursos, representacions, recepció, infraestructures de difusió i marc sociocultural (PeC). O propósito anunciado polos membros do equipo é o de analizaren un conxunto de propostas experimentais notabelmente amplo, vendo en perspectiva crítica e comparada as ligazóns existentes coas prácticas poéticas textualistas, letristas, concretistas, visuais e polipoéticas, entre outras varias que foron atendidas en espazos xeoculturais diversos en Europa ou nas Américas.

Para isto, o grupo coordinado por Margalida Pons terá sobre todo presente a produción de poetas como Vicenç Altaió, Josep Albertí, J. M. Calleja, Enric Casasses, Jordi Domènech, Patrick Gifreu, Carles Hac Mor, Damià Huguet, Joan Palou, Santi Pau, Perejaume, Marcel Pey, Jordi Pope, Joaquim Sala-Sanahuja, Josep-Lluís Seguí, Víctor Sunyol e Andreu Terrades.

A idea inicial de experimentación concrétase nos seguintes termos: “ens interessa rellegir les poètiques que aporten al sistema literari català formes diverses de ruptura textual (com el joc amb el format, el codi i el suport, o la incorporació d’elements visuals), però també noves maneres de comunicació del poema (per mitjà de la reivindicació de la performance i de l’oralitat, per exemple)”.

Posted in comparatismo, escritura e plástica, experimental, iniciativas, investigación, poesía catalá, poesía non-lírica, proxectos específicos | Leave a Comment »

Sen papeis

Posted by gaapdec o Xuño 22, 2010

O volume coordinado por Xavier Barceló Pinya Literatura sense papers. Escriptures, art i entorn digital inaugura unha nova e moi atractiva colección de Edicions Universitat de les Illes Balears. A colección denomínase TECSED e a súa directora é Mercè Picornell, membro do Grupo LiCECT da UIB. Entre os obxectivos fixados salienta a atención teórico-crítica aos textos, xéneros e usos culturais na era dixital.

Esta primeira entrega, en concreto, dedica algúns estudos ao campo de intereses específicos do GAAP, entre eles os referidos ás relacións interartísticas do/no poema, á poesía cinética, aos holopoemas ou ao soporte material na literatura experimental catalá.

Reprodúcese de seguido o texto de presentación editorial do libro, co detalle de capítulos e autorías:

En un moment com l’actual, en què és ben present la qüestió de l’impacte sobre llibres i publicacions periòdiques que poden tenir Internet i els nous mitjans tecnològics —que posen en dubte no només el suport que transmet la literatura, sinó la seva mateixa natura textual, amb l’adveniment dels hipermèdia i la ciberliteratura— es fa evident que l’associació de literatura amb paraula escrita no és necessària. Aquesta idea queda reforçada quan pensam en la literatura experimental dels anys 70, o, si volem anar més enrere, en els poesia visiva i els collage de les avantguardes, o en els lipogrames, acròstics, enigmes, jeroglífics, rimes internes, homonímies que apareixen en la poesia gairebé d’ençà que es va començar a conrear. La literatura, doncs, es manifesta de formes molt diverses, que poden ser textuals o no, que poden travessar les barreres establertes pels mitjans i integrar codis aparentment contradictoris.

En aquest marc, els diversos autors que participen en aquest llibre —especialistes en estudis literaris vinculats a la Universitat de Barcelona, la Universitat Autònoma de Barcelona, la Universitat d’Alacant i la Universitat de les Illes Balears— aporten reflexions sobre diversos aspectes que giren al voltant de les relacions entre la literatura i d’altres mitjans, tant des del punt de vista de la integració de mecanismes d’expressió d’altres arts en la literatura —particularment pictòrics, però també cinematogràfics—, com del trasllat de la literatura des de la pàgina escrita cap a altres espais, tant físics —la literatura experimental fora dels llibres—, com hologràfics o cibernètics —des de la contemporaneïtat del blog a la digitalització de textos medievals.

El volum inclou els capítols “Ús i menció: del poema a les arts”, de Pere Ballart, “Poesia cinètica”, de Lis Costa; “Holopoemes”, de M. J. Vega; “Literatura per veure, cinema per llegir”, de Patrícia Trapero; “Del llibre en blanc al codi indesxifrable”, de Mercè Picornell; “De l’art si je veux”, de Laura Borràs; “Blog i literatura: amistats perilloses?”, de Xavier Barceló i “Edició digital de textos antics”, de Carmen Arronis.

Posted in blogosfera, comparatismo, edición dixital, emerxencia cultural, hipertextualidade, poesía non-lírica, publicacións | Leave a Comment »

Susana Kampff Lages: a angueira da tradución poética

Posted by gaapdec o Xuño 17, 2010

Anunciamos dúas intervencións da profesora Susana Kampff Lages (Universidade Federal Fluminense, Brasil) na Universidade de Vigo o vindeiro luns 21 de xuño. A segunda delas organízaa o equipo interuniversitario do proxecto de investigación Poesía non lírica, no que participan varios membros do GAAP, e conta co apoio do Centro de Investigación de Procesos e Prácticas Culturais Emerxentes (CIPPCE) da Universidade de Santiago de Compostela.

Susana Kampff Lages doutorouse en Comunicação e Semiótica na PUC-SP. Foi, por quince anos, docente de lingua alemá na UNICAMP e actualmente ensina lingua e literatura alemá na Universidade Federal Fluminense/UFF. Recebeu o Prémio Jabuti en 2003 polo libro Walter Benjamin: tradução e melancolia, Edusp, 2002 (categoría Teoría literaria). Publicou João Guimarães Rosa e a saudade (Ateliê Editorial, 2003) e recentemente Walter Benjamin: arte e experiência (Nau editora, 2010).

Ás 11:00 h., no Salón de Actos da Facultade de Filoloxía e Tradución (Universidade de Vigo): A recepção da Die Aufgabe des Übersetzers, de Walter Benjamin, no Brasil e a leitura de Haroldo de Campos.

Ás 16:00 h., na Sala de Xuntas da mesma Facultade:  Acerca da poesía de Drummond de Andrade e Haroldo de Campos e a súa práctica tradutiva.

 

Posted in comparatismo, relacións interculturais, tradución | Leave a Comment »