BlogueGAAP

Grupo Alea de Análise Poética

  • Contacto

    Grupo Alea de Análise Poética / Caixa de correo 066 / Faculdade de Filoloxía / USC Campus Norte / 15782 Santiago de Compostela

    gaapsdc@gmail.com

  • Membros do Grupo

    Iria Sobrino - María Xesús Nogueira - Montserrat Pena - Isaac Lourido - Margarita García Candeira - Arturo Casas (coord.)
  • Meta

Archive for the ‘hipertextualidade’ Category

Publicación de Non-Lyric Discourses in Contemporary Poetry

Posted by gaapdec o Outubro 29, 2012

Damos noticia da publicación do volume colectivo Non-Lyric Discourses in Contemporary Poetry, editado por Burghard Baltrusch (Universidade de Vigo) e Isaac Lourido (Grupo Alea de Análise Poética). O volume acolle a participación de até dezasete especialistas internacionais no estudo da poesía contemporánea. A saída á luz prodúcese no selo alemán Martin Meidenbauer e está directamente relacionada co proxecto DINOLIPOE (Discursos Non Líricos na Poesía Contemporánea), desenvolvido nos últimos tres anos por un grupo de investigadores e investigadoras de distintas universidades europeas.

A modo de introdución, tomamos o seguinte texto da presentación editorial:

O concepto do “non-lírico” chama a atención sobre a inestabilidade funcional da poesía como xénero e do lírico como categoría discursiva na actualidade. Este volume reflexiona sobre novas prácticas discursivas e culturais na poesía contemporánea como a constitución de novos suxeitos e novas subxectividades, a función do poético no espazo público, as hibridacións enunciativas ou a incorporación da intermedialidade. A posta en causa da convencional identificación entre o poético e o lírico, así como a análise dos elementos definitorios do non-lírico, constitúen os principais fíos condutores.

A discusión sobre aspectos teóricos e metodolóxicos combínase con estudos de caso de ámbitos poéticos e culturais diversos: austríaco, brasileiro, español, galego, hispanoamericamo, polaco, portugués, as tradicións orais, a poesía experimental e interartística, entre outros.

Referimos a continuación o índice completo dos participantes e dos textos que conforman o libro:

Burghard Baltrusch & Isaac Lourido: “Sketching non-lyrical discourses in contemporary poetry”

I. Theoretical Guidelines / Pautas teóricas

  1. Arturo Casas: “Non-lyric Poetry in Current System of Genres”
  2. Daniel F. Chamberlain: “Oral Poetry Inc. and Offence in Comparative Literary History”
  3. Cornelia Gräbner: “From the Intersection of Pain and Hope: Poetic Disruptions of the Neoliberal Etiquette in Public Letters”
  4. Rui Torres: “Arquivos Digitais e Literatura Experimental: Pressupostos e Constrangimentos”

II. New Subjects and Subjectivities / Novos suxeitos e subxectividades

  1. Margalida Pons: “On Besieged Lyricism and Translucent Subjects: Experimental Catalan Poetry”
  2. Silvia Bermúdez: “Non-Discoursive Impulses and the Social Function of Poetry: Diversification Strategies in Antón Lopo and María do Cebreiro Rábade Villar”
  3. Isaac Lourido: “Consciencia da marxinalidade: marcas da ideoloxía libertaria na poesía galega última”
  4. Gisele Giandoni Wolkoff: “(Un)Territories of the Self: Women and Poetry in Contemporary Portugal”

III. Hybridization of Genres and Arts / Hibridación xenérica e artística

  1. Marina Corrêa: “Discurso Não-lírico e Poesia Concreta: Música como Meio de Materialização na Poesia de Ernst Jandl e Augusto de Campos”
  2. Martín Veiga: “Nomear o mundo: os poemas-inventario de Xavier Queipo”
  3. Gonzalo García Fortes: “Elementos performativos na poesía de Chus Pato”
  4. María Cecilia Graña: “Intensos poemas extensos: el rodar conjunto del canto y el cuento”
  5. Albert Jornet Somoza: “La lira reflexiva: espacios de transdiscursividad en el poema en prosa contemporáneo”

IV. Repertoires / Repertorios

  1. Walfrido Dorta Sánchez: “Discursos postnacionales, políticas de (des)autorización y terror-ismo literario: la poesía no lírica de los escritores del grupo Diáspora(s)”
  2. Marlena Krupa: “Sobre la poética del albatros y la ontología del bufón. Elementos no líricos en la poesía comprometida de Adam Zagajewski y Pablo García Casado”
  3. Fernando Guzmán Simón: “Poesía y ciudad. Una aproximación al estudio comparativo del cronotopo Bajtíniano en la poesía hispana de tema neoyorquino”
  4. Pablo Carriedo Castro: “Poesía, capitalismo y democracia: aproximación a la Otra Sentimentalidad”

Posted in escritura e plástica, espazo público, hipertextualidade, iniciativas, investigación, media poetry, metodoloxía, performance, poesía brasileira, poesía catalá, poesía non-lírica, poesía portuguesa, publicacións, suxeitos poéticos, xénero | Etiquetado: , | Leave a Comment »

Próxima publicación: Non-Lyric Discourses in Contemporary Poetry

Posted by gaapdec o Maio 8, 2012

Difundimos información sobre a próxima aparición do volume Non-Lyric Discourses in Contemporary Poetry, coordinado por Burghard Baltrusch e Isaac Lourido, e publicado polo selo alemán Martin Meidenbauer.

A iniciativa editorial está vinculada co desenvolvemento do proxecto de investigación DINOLIPOE (O discurso non-lírico na poesía contemporánea: espazos, suxeitos, hibridación enunciativa, medialidade, financiado polo goberno de España desde o ano 2010) e, aínda máis concretamente, coas xornadas de traballo e debate representadas no I Congreso Internacional sobre Discursos Non Líricos celebrado en Vigo en abril de 2011.

A publicación recolle un total de dezaoito artigos, elaborados por investigadoras e investigadores de diferentes universidades europeas e americanas, e articulados a partir das liñas de pesquisa ensaiadas no mencionado proxecto. Así se nos presenta o libro:

O concepto do “non-lírico” chama a atención sobre a inestabilidade funcional da poesía como xénero e do lírico como categoría discursiva na actualidade. Este volume reflexiona sobre novas prácticas discursivas e culturais na poesía contemporánea como a constitución de novos suxeitos e novas subxectividades, a función do poético no espazo público, as hibridacións enunciativas ou a incorporación da intermedialidade. A posta en causa da convencional identificación entre o poético e o lírico, así como a análise dos elementos definitorios do non-lírico, constitúen os principais fíos condutores.
A discusión sobre aspectos teóricos e metodolóxicos combínase con estudos de caso de ámbitos poéticos e culturais diversos: austríaco, brasileiro, español, galego, hispanoamericamo, polaco, portugués, as tradicións orais, a poesía experimental e interartística, entre outros.

Toda a información sobre a publicación pode ser consultada no sitio web do proxecto DINOLIPOE.

* A imaxe que encabeza o post é obra de Gabriel Pérez Durán e formará parte da capa do libro.

Posted in comparatismo, escritura e plástica, espazo público, experimental, hipertextualidade, iniciativas, investigación, media poetry, performance, poesía non-lírica, proxectos específicos, publicacións, redes, suxeitos poéticos, Uncategorized, xénero | Leave a Comment »

Jornades Internacionals de Poesia Experimental: poètiques, crítica i recepció

Posted by gaapdec o Febreiro 10, 2012

Organizadas polo grupo de investigación Poció. Poesia i Educació (Universitat de Barcelona), e no marco do proxecto “La poesia experimental catalana entre 1959 i 2004”, as Jornades Internacionals de Poesia Experimental terán lugar os días 25 e 26 de outubro de 2012 no Museu d’Art Contemporani de Barcelona (MACBA). Os obxectivos da convocatoria atinxen a definición de modelos de análise axeitados para o obxecto de estudo que se define, a reconstrución dun mapa de poéticas vincladas ao experimentalismo, así como o estudo da súa recepción por parte de público e crítica.

A conferencia inaugural será pronunciada por Jean-Marie Gleize (École Normal Supérieure de Lyon), como punto de partida para un programa que inclúe as ponencias de Carlota Caulfield (University of Oakland), Rui Torres (Universidade Fernando Pessoa), Jean-Pierre Bobillot (Université Stendhal Grenoble-III), Klaus Peter Dencker (Universität Trier) e Susana Romano (Universidad Nacional de Córdoba). Ademais, están programadas sesións de comunicacións sobre os asuntos centrais do evento, así como mesas redondas e intervencións artísticas a cargo de teóricos, críticos e/ou poetas de proxección internacional.

Enlaces:

Primeira circular de convocatoria das Jornades

Páxina web do evento

Posted in escritura e plástica, eventos, experimental, hipertextualidade, investigación, media poetry, metodoloxía, oralidade, performance, suxeitos poéticos | Etiquetado: , , | Leave a Comment »

Congreso Internacional de Poesía Non Lírica

Posted by gaapdec o Novembro 6, 2010

A Comisión Organizadora do I Congreso Internacional sobre discursos non líricos na poesía contemporánea. Espazos, suxeitos, medialidade (DINOLIPOE), que se vai celebrar os días 26 e 27 de abril de 2011 na Universidade de Vigo, fixo pública a súa convocatoria . O obxectivo é abordar algunhas das principais cuestións que dependen da inestabilidade funcional do suxeito/autor-a na constitución do eu poético, así como as consecuencias da proxección sociocultural da poesía na esfera pública. Entre as áreas de interese atópanse as seguintes:

  • A poesía na esfera pública
  • Poesía, economía e institucións
  • A poesía en tradución: linguas, culturas, códigos, transcreación
  • Novos suxeitos e obxectos poéticos
  • Os discursos poéticos na posmodernidade
  • A identificación entre poesía e lírica
  • Narratividade e discurso poético
  • Formas neoépicas en poesía
  • Poesía, diálogo, dialoxismo: voces e identidades no poema
  • Poesía e ficción
  • Poesía como ensaio e argumentación
  • Ideoloxía, performatividade e discurso poético
  • O marco espacial da comunicación poética: lectura, recitado, performance
  • Poesía e medios de comunicación: oralidade, páxina, pantalla, guión, teatro, canción, Internet
  • Poesía e intermedialidade
  • Lugares da metapoesía
  • Comunidades poéticas
  • Espazos e temas na poesía experimental
  • Unidades poéticas: do verso á rede ao través de libros e revistas
  • A poesía e a crítica
  • Poesía e xénero

A Comisión Organizadora solicita o envío de propostas cun máximo de 300 palabras para relatorios de aproximadamente 20 minutos, xunto cunha breve nota biográfica ou curriculum vitae ao enderezo dinolipoe@gmail.com. A data límite de recepción é o  ata o 4 de xaneiro de 2011. Pode localizarse máis información na páxina web oficial do Congreso.

Posted in escritura e plástica, espazo público, experimental, hipertextualidade, iniciativas, investigación, media poetry, oralidade, performance, poesía non-lírica, proxectos específicos | Leave a Comment »

Sen papeis

Posted by gaapdec o Xuño 22, 2010

O volume coordinado por Xavier Barceló Pinya Literatura sense papers. Escriptures, art i entorn digital inaugura unha nova e moi atractiva colección de Edicions Universitat de les Illes Balears. A colección denomínase TECSED e a súa directora é Mercè Picornell, membro do Grupo LiCECT da UIB. Entre os obxectivos fixados salienta a atención teórico-crítica aos textos, xéneros e usos culturais na era dixital.

Esta primeira entrega, en concreto, dedica algúns estudos ao campo de intereses específicos do GAAP, entre eles os referidos ás relacións interartísticas do/no poema, á poesía cinética, aos holopoemas ou ao soporte material na literatura experimental catalá.

Reprodúcese de seguido o texto de presentación editorial do libro, co detalle de capítulos e autorías:

En un moment com l’actual, en què és ben present la qüestió de l’impacte sobre llibres i publicacions periòdiques que poden tenir Internet i els nous mitjans tecnològics —que posen en dubte no només el suport que transmet la literatura, sinó la seva mateixa natura textual, amb l’adveniment dels hipermèdia i la ciberliteratura— es fa evident que l’associació de literatura amb paraula escrita no és necessària. Aquesta idea queda reforçada quan pensam en la literatura experimental dels anys 70, o, si volem anar més enrere, en els poesia visiva i els collage de les avantguardes, o en els lipogrames, acròstics, enigmes, jeroglífics, rimes internes, homonímies que apareixen en la poesia gairebé d’ençà que es va començar a conrear. La literatura, doncs, es manifesta de formes molt diverses, que poden ser textuals o no, que poden travessar les barreres establertes pels mitjans i integrar codis aparentment contradictoris.

En aquest marc, els diversos autors que participen en aquest llibre —especialistes en estudis literaris vinculats a la Universitat de Barcelona, la Universitat Autònoma de Barcelona, la Universitat d’Alacant i la Universitat de les Illes Balears— aporten reflexions sobre diversos aspectes que giren al voltant de les relacions entre la literatura i d’altres mitjans, tant des del punt de vista de la integració de mecanismes d’expressió d’altres arts en la literatura —particularment pictòrics, però també cinematogràfics—, com del trasllat de la literatura des de la pàgina escrita cap a altres espais, tant físics —la literatura experimental fora dels llibres—, com hologràfics o cibernètics —des de la contemporaneïtat del blog a la digitalització de textos medievals.

El volum inclou els capítols “Ús i menció: del poema a les arts”, de Pere Ballart, “Poesia cinètica”, de Lis Costa; “Holopoemes”, de M. J. Vega; “Literatura per veure, cinema per llegir”, de Patrícia Trapero; “Del llibre en blanc al codi indesxifrable”, de Mercè Picornell; “De l’art si je veux”, de Laura Borràs; “Blog i literatura: amistats perilloses?”, de Xavier Barceló i “Edició digital de textos antics”, de Carmen Arronis.

Posted in blogosfera, comparatismo, edición dixital, emerxencia cultural, hipertextualidade, poesía non-lírica, publicacións | Leave a Comment »