BlogueGAAP

Grupo Alea de Análise Poética

  • Contacto

    Grupo Alea de Análise Poética / Caixa de correo 066 / Faculdade de Filoloxía / USC Campus Norte / 15782 Santiago de Compostela

    gaapsdc@gmail.com

  • Membros do Grupo

    Iria Sobrino - María Xesús Nogueira - Montserrat Pena - Isaac Lourido - Margarita García Candeira - Arturo Casas (coord.)
  • Meta

Archive for the ‘media poetry’ Category

Publicación de Non-Lyric Discourses in Contemporary Poetry

Posted by gaapdec o Outubro 29, 2012

Damos noticia da publicación do volume colectivo Non-Lyric Discourses in Contemporary Poetry, editado por Burghard Baltrusch (Universidade de Vigo) e Isaac Lourido (Grupo Alea de Análise Poética). O volume acolle a participación de até dezasete especialistas internacionais no estudo da poesía contemporánea. A saída á luz prodúcese no selo alemán Martin Meidenbauer e está directamente relacionada co proxecto DINOLIPOE (Discursos Non Líricos na Poesía Contemporánea), desenvolvido nos últimos tres anos por un grupo de investigadores e investigadoras de distintas universidades europeas.

A modo de introdución, tomamos o seguinte texto da presentación editorial:

O concepto do “non-lírico” chama a atención sobre a inestabilidade funcional da poesía como xénero e do lírico como categoría discursiva na actualidade. Este volume reflexiona sobre novas prácticas discursivas e culturais na poesía contemporánea como a constitución de novos suxeitos e novas subxectividades, a función do poético no espazo público, as hibridacións enunciativas ou a incorporación da intermedialidade. A posta en causa da convencional identificación entre o poético e o lírico, así como a análise dos elementos definitorios do non-lírico, constitúen os principais fíos condutores.

A discusión sobre aspectos teóricos e metodolóxicos combínase con estudos de caso de ámbitos poéticos e culturais diversos: austríaco, brasileiro, español, galego, hispanoamericamo, polaco, portugués, as tradicións orais, a poesía experimental e interartística, entre outros.

Referimos a continuación o índice completo dos participantes e dos textos que conforman o libro:

Burghard Baltrusch & Isaac Lourido: “Sketching non-lyrical discourses in contemporary poetry”

I. Theoretical Guidelines / Pautas teóricas

  1. Arturo Casas: “Non-lyric Poetry in Current System of Genres”
  2. Daniel F. Chamberlain: “Oral Poetry Inc. and Offence in Comparative Literary History”
  3. Cornelia Gräbner: “From the Intersection of Pain and Hope: Poetic Disruptions of the Neoliberal Etiquette in Public Letters”
  4. Rui Torres: “Arquivos Digitais e Literatura Experimental: Pressupostos e Constrangimentos”

II. New Subjects and Subjectivities / Novos suxeitos e subxectividades

  1. Margalida Pons: “On Besieged Lyricism and Translucent Subjects: Experimental Catalan Poetry”
  2. Silvia Bermúdez: “Non-Discoursive Impulses and the Social Function of Poetry: Diversification Strategies in Antón Lopo and María do Cebreiro Rábade Villar”
  3. Isaac Lourido: “Consciencia da marxinalidade: marcas da ideoloxía libertaria na poesía galega última”
  4. Gisele Giandoni Wolkoff: “(Un)Territories of the Self: Women and Poetry in Contemporary Portugal”

III. Hybridization of Genres and Arts / Hibridación xenérica e artística

  1. Marina Corrêa: “Discurso Não-lírico e Poesia Concreta: Música como Meio de Materialização na Poesia de Ernst Jandl e Augusto de Campos”
  2. Martín Veiga: “Nomear o mundo: os poemas-inventario de Xavier Queipo”
  3. Gonzalo García Fortes: “Elementos performativos na poesía de Chus Pato”
  4. María Cecilia Graña: “Intensos poemas extensos: el rodar conjunto del canto y el cuento”
  5. Albert Jornet Somoza: “La lira reflexiva: espacios de transdiscursividad en el poema en prosa contemporáneo”

IV. Repertoires / Repertorios

  1. Walfrido Dorta Sánchez: “Discursos postnacionales, políticas de (des)autorización y terror-ismo literario: la poesía no lírica de los escritores del grupo Diáspora(s)”
  2. Marlena Krupa: “Sobre la poética del albatros y la ontología del bufón. Elementos no líricos en la poesía comprometida de Adam Zagajewski y Pablo García Casado”
  3. Fernando Guzmán Simón: “Poesía y ciudad. Una aproximación al estudio comparativo del cronotopo Bajtíniano en la poesía hispana de tema neoyorquino”
  4. Pablo Carriedo Castro: “Poesía, capitalismo y democracia: aproximación a la Otra Sentimentalidad”
Advertisements

Posted in escritura e plástica, espazo público, hipertextualidade, iniciativas, investigación, media poetry, metodoloxía, performance, poesía brasileira, poesía catalá, poesía non-lírica, poesía portuguesa, publicacións, suxeitos poéticos, xénero | Etiquetado: , | Leave a Comment »

Próxima publicación: Non-Lyric Discourses in Contemporary Poetry

Posted by gaapdec o Maio 8, 2012

Difundimos información sobre a próxima aparición do volume Non-Lyric Discourses in Contemporary Poetry, coordinado por Burghard Baltrusch e Isaac Lourido, e publicado polo selo alemán Martin Meidenbauer.

A iniciativa editorial está vinculada co desenvolvemento do proxecto de investigación DINOLIPOE (O discurso non-lírico na poesía contemporánea: espazos, suxeitos, hibridación enunciativa, medialidade, financiado polo goberno de España desde o ano 2010) e, aínda máis concretamente, coas xornadas de traballo e debate representadas no I Congreso Internacional sobre Discursos Non Líricos celebrado en Vigo en abril de 2011.

A publicación recolle un total de dezaoito artigos, elaborados por investigadoras e investigadores de diferentes universidades europeas e americanas, e articulados a partir das liñas de pesquisa ensaiadas no mencionado proxecto. Así se nos presenta o libro:

O concepto do “non-lírico” chama a atención sobre a inestabilidade funcional da poesía como xénero e do lírico como categoría discursiva na actualidade. Este volume reflexiona sobre novas prácticas discursivas e culturais na poesía contemporánea como a constitución de novos suxeitos e novas subxectividades, a función do poético no espazo público, as hibridacións enunciativas ou a incorporación da intermedialidade. A posta en causa da convencional identificación entre o poético e o lírico, así como a análise dos elementos definitorios do non-lírico, constitúen os principais fíos condutores.
A discusión sobre aspectos teóricos e metodolóxicos combínase con estudos de caso de ámbitos poéticos e culturais diversos: austríaco, brasileiro, español, galego, hispanoamericamo, polaco, portugués, as tradicións orais, a poesía experimental e interartística, entre outros.

Toda a información sobre a publicación pode ser consultada no sitio web do proxecto DINOLIPOE.

* A imaxe que encabeza o post é obra de Gabriel Pérez Durán e formará parte da capa do libro.

Posted in comparatismo, escritura e plástica, espazo público, experimental, hipertextualidade, iniciativas, investigación, media poetry, performance, poesía non-lírica, proxectos específicos, publicacións, redes, suxeitos poéticos, Uncategorized, xénero | Leave a Comment »

Jornades Internacionals de Poesia Experimental: poètiques, crítica i recepció

Posted by gaapdec o Febreiro 10, 2012

Organizadas polo grupo de investigación Poció. Poesia i Educació (Universitat de Barcelona), e no marco do proxecto “La poesia experimental catalana entre 1959 i 2004”, as Jornades Internacionals de Poesia Experimental terán lugar os días 25 e 26 de outubro de 2012 no Museu d’Art Contemporani de Barcelona (MACBA). Os obxectivos da convocatoria atinxen a definición de modelos de análise axeitados para o obxecto de estudo que se define, a reconstrución dun mapa de poéticas vincladas ao experimentalismo, así como o estudo da súa recepción por parte de público e crítica.

A conferencia inaugural será pronunciada por Jean-Marie Gleize (École Normal Supérieure de Lyon), como punto de partida para un programa que inclúe as ponencias de Carlota Caulfield (University of Oakland), Rui Torres (Universidade Fernando Pessoa), Jean-Pierre Bobillot (Université Stendhal Grenoble-III), Klaus Peter Dencker (Universität Trier) e Susana Romano (Universidad Nacional de Córdoba). Ademais, están programadas sesións de comunicacións sobre os asuntos centrais do evento, así como mesas redondas e intervencións artísticas a cargo de teóricos, críticos e/ou poetas de proxección internacional.

Enlaces:

Primeira circular de convocatoria das Jornades

Páxina web do evento

Posted in escritura e plástica, eventos, experimental, hipertextualidade, investigación, media poetry, metodoloxía, oralidade, performance, suxeitos poéticos | Etiquetado: , , | Leave a Comment »

Converxencias

Posted by gaapdec o Marzo 15, 2011

 

Sinalamos hoxe a referencia a un proxecto de investigación próximo aos intereses e obxectivos do GAAP.  Trátase de Novas Poéticas de Resistência: o Século XXI em Portugal, desenvolvido na Universidade de Coimbra, coa coordinación da profesora Graça Capinha no marco do Centro de Estudos Sociais.

Da nota de presentación do proxecto:

Este projecto usa a palavra “poética” a partir da sua raiz etimológica: o primeiro fazer da primeira forma – dar forma a partir da raiz do som. Como diz o poeta e principal teórico da L=A=N=G=U=A=G=E School, Charles Bernstein, a linguagem é “a primeira coisa forjada”, a primeira extensão da forma do corpo: uma cópia e uma ilusão.

A partir desse primeiro momento, aquilo a que chamamos o real não é mais do que um real humana e socialmente “forjado”: um artifício cuja artificialidade se transforma em “objectividade fantasma” (Michael Taussig).

Tendo como cerne estas “formas de forjar o mundo”, este projecto procura as formas contra-hegemónicas deste fazer na linguagem.

Isto significa que se centra em políticas de linguagem através da observação de alguns discursos que, das suas margens, produzem o centro, ao mesmo tempo que o desafiam e lhe resistem: “servindo o que não é” (Dante), re-inventando e investigando os violentos territórios do excesso (Jean-Jacques Lecercle) onde se encontram todas as formas da linguagem do desaprovado, do improvado e do ainda por provar (Susan Howe).

As “novas poéticas de resistência” residem nesse território fundador e nas suas infinitas possibilidades: em formas literárias experimentais e transformadas pelas novas tecnologias; em inevitáveis e impossíveis esforços da tradução; no conhecimento da incompletude de uma hermenêutica dia(multi)tópica (Sousa Santos) exigida pelo multiculturalismo, o bilinguismo e trajectórias migratórias e multi-étnicas; numa pesquisa epistemológica baseada na procura permanente de linhas de fuga (Deleuze e Guattari) que levam a práticas descentradas e nómadas de desterritorialização das palavras e das identidades por elas forjadas.

A memória biográfica surge aqui como evento da “escrita do corpo”, referência histórica e motor de identidades híbridas em que crenças multiculturais e a saudade acendem a imaginação e se transformam em elementos significativos de uma cultura portuguesa dinâmica que hoje enfrenta os novos desafios impostos pela globalização.

Tentaremos participar numa epistemologia de presenças e ausências (Sousa Santos) oferecida pela transversalidade dos diferentes saberes.
 

Posted in emerxencia cultural, espazo público, experimental, lusofonía, media poetry, performance, poesía non-lírica, proxectos específicos, resistencia, tradución | Leave a Comment »

Congreso Internacional de Poesía Non Lírica

Posted by gaapdec o Novembro 6, 2010

A Comisión Organizadora do I Congreso Internacional sobre discursos non líricos na poesía contemporánea. Espazos, suxeitos, medialidade (DINOLIPOE), que se vai celebrar os días 26 e 27 de abril de 2011 na Universidade de Vigo, fixo pública a súa convocatoria . O obxectivo é abordar algunhas das principais cuestións que dependen da inestabilidade funcional do suxeito/autor-a na constitución do eu poético, así como as consecuencias da proxección sociocultural da poesía na esfera pública. Entre as áreas de interese atópanse as seguintes:

  • A poesía na esfera pública
  • Poesía, economía e institucións
  • A poesía en tradución: linguas, culturas, códigos, transcreación
  • Novos suxeitos e obxectos poéticos
  • Os discursos poéticos na posmodernidade
  • A identificación entre poesía e lírica
  • Narratividade e discurso poético
  • Formas neoépicas en poesía
  • Poesía, diálogo, dialoxismo: voces e identidades no poema
  • Poesía e ficción
  • Poesía como ensaio e argumentación
  • Ideoloxía, performatividade e discurso poético
  • O marco espacial da comunicación poética: lectura, recitado, performance
  • Poesía e medios de comunicación: oralidade, páxina, pantalla, guión, teatro, canción, Internet
  • Poesía e intermedialidade
  • Lugares da metapoesía
  • Comunidades poéticas
  • Espazos e temas na poesía experimental
  • Unidades poéticas: do verso á rede ao través de libros e revistas
  • A poesía e a crítica
  • Poesía e xénero

A Comisión Organizadora solicita o envío de propostas cun máximo de 300 palabras para relatorios de aproximadamente 20 minutos, xunto cunha breve nota biográfica ou curriculum vitae ao enderezo dinolipoe@gmail.com. A data límite de recepción é o  ata o 4 de xaneiro de 2011. Pode localizarse máis información na páxina web oficial do Congreso.

Posted in escritura e plástica, espazo público, experimental, hipertextualidade, iniciativas, investigación, media poetry, oralidade, performance, poesía non-lírica, proxectos específicos | Leave a Comment »

Kac no CGAC

Posted by gaapdec o Xuño 4, 2010

O martes 8 de xuño o bioartista brasileiro Eduardo Kac presenta no Centro Galego de Arte Contemporánea de Santiago de Compostela ás 18:30 h. DEM (Digital Electronic Mind / Deus Ex Machina)

Da nota de prensa, remitida pola profesora Teresa Vilariño, coorganizadora do acto:

A obra  de Eduardo Kac indaga nas conexións entre o físico e o virtual, entre o biolóxico e o tecnolóxico, co fin de romper fronteiras e entrar nunha nova ecoloxía do híbrido. A súa preocupación teórica, crítica e académica achéganos a un autor que explora constantemente a fluidez da posición do suxeito no mundo posdixital, cuestionando a evolución, a memoria e a propia condición da creación.
DEM. Encontro con….Eduardo Kac   proponse enfrontar ao creador coa perspectiva crítica, a autopoética, coa mirada allea, con dous dos grandes especialistas do noso tempo en teatro e novos medios, arte e novas tecnoloxías, así como na perspectiva do posthumano e da biotecnoloxía, Anxo Abuín González (USC) e Eugenio Viola, Director do Programa MADRE do Museo d’Arte Contemporánea de Donnaregina (Nápoles).

 

Programa

18:30 Presentación // 19:00 Telepresenza e bioarte (conferencia de Eduardo Kac) // 20:00 Between Art and Science: Eduardo Kac (conferencia de Eugenio Viola) // 21:00 Mesa redonda con Eduardo Kac, Eugenio Viola e Anxo Abuín.

   

Posted in autoría, bioarte, eventos, media poetry | Leave a Comment »